Постот често се користи како ефикасен начин за слабеење, но исто така му помага на телото да се бори против болестите. Постот само два дена им овозможува на имунолошките клетки да се регенерираат, помагајќи му на телото да се бори против инфекцијата.
Научниците од Универзитетот во Јужна Калифорнија го тестирале ефектот на 2-4 дена пост кај глувци и луѓе во курсеви за шест месеци. Во двата случаи, по секој курс, евидентирано е намалување на бројот на белите крвни зрнца во крвта. Кај глувците, како резултат на постот, започна процесот на регенерација на белите крвни зрнца, со што се обновени одбрамбените механизми на организмот. Валтер Лонго, професор по геронтологија и биолошки науки на Универзитетот во Јужна Калифорнија, вели: „Постот дава зелено светло за зголемување на бројот на матични клетки, обновувајќи го целиот систем. Добрата вест е дека кога се пости, телото се ослободува од старите, оштетени клетки“. Студијата покажала и дека постот го намалува производството на хормонот ИГФ-1, кој е поврзан со ризикот од рак. Една мала пилот-клиничка студија покажа дека постот 72 часа пред третманот со хемотерапија ги спречува пациентите да станат токсични. „Иако хемотерапијата спасува животи, не е тајна дека има и значителни несакани ефекти врз имунолошкиот систем. Резултатите од студијата потврдуваат дека постот може да ублажи некои од ефектите на хемотерапијата“, вели Тања Дорф, доцент по клиничка медицина на Универзитетот во Јужна Калифорнија. „Потребни се повеќе клинички истражувања на оваа тема и овој вид на диетална интервенција треба да се спроведува само под водство на лекар.