Најрестриктивниот закон беше потпишан од републиканскиот гувернер Кеј Ајви во Алабама. Новиот закон го забранува абортусот „речиси под сите околности“, според Вашингтон пост. Законската регулатива прави исклучоци само поради здравствени причини на мајките и за фетуси со „фатални аномалии“ кои веројатно нема да преживеат надвор од матката. Бременоста од силување и инцест не беше исклучок – абортусот во такви случаи е исто така забранет.
Милиони луѓе излегоа на социјалните мрежи за да ја изразат својата загриженост за одлуката, вклучително и голем број вегани и активисти за правата на животните.
Веганите против забраната за абортус
Веганите станаа едни од најгласните противници на законите за абортус во последната недела.
Илустраторката и активистка за правата на животните Саманта Фунг сподели слика од женско тело со линии слични на оние што се користат за идентификување на парчиња месо. Kasia Ring, креаторот на веганскиот бренд Care Wears, напиша: „Кога казната за абортус по силување е построга од казната за силување, тогаш разбирате дека жените се во војна“.
Против предлог-законите се изјаснија и голем број вегани мажи. Музичарот Моби, тапанарот на Blink-182, Тревис Баркер и 5-кратниот шампион во Формула 1, Луис Хамилтон, веруваат дека „мажите не треба да донесуваат закони за женските тела“.
Врската помеѓу веганизмот и феминизмот
Во неодамнешниот говор пред студентите на колеџот во Калифорнија, актерката, феминистка и веганка Натали Портман зборуваше за поврзаноста помеѓу месото и млечните производи и угнетувањето на жените. Портман смета дека јадењето јајца или млечни производи не е возможно за оние кои се нарекуваат феминистки. „Дури откако се вклучив во женските прашања сфатив дека веганизмот и феминизмот се поврзани. Млечните производи и јајцата не доаѓаат само од крави и кокошки, туку и од женски крави и кокошки. Ние ги експлоатираме женските тела за да создадеме јајца и млеко“, рече таа.
Постои јасна врска помеѓу суровоста врз животните и насилството врз жените, вели новинарката Елизабет Енокс. „Истражувањето на жените во засолништата за семејно насилство покажа дека 71% од жените имале партнери кои злоставувале или се заканувале дека ќе малтретираат животни, а неодамнешното истражување сугерира дека работата во кланица може да доведе до семејно насилство, социјално повлекување, анксиозност, злоупотреба на дрога и алкохол и ПТСН“, напиша Инокс.
Таа, исто така, укажува на студијата од 2009 година на криминологот Ејми Фицџералд, која покажа дека во споредба со другите индустрии, работата во кланица ја зголемува веројатноста за апсење, вклучително и за силување и други насилни злосторства.